Usa ka lalaki ang namatay human madumboli sa bus diha sa highway barangay Tulay, Lungsod sa Minglanilla.
Ang biktima nga si Sabino Behil, 40 nga taga Salog lungsod sa Dalaguete nadam-agan sa “Bokyol” nga bus.
Gikan sa habagatang bahin sa Sugbu ang maong bus paingon sa syudad sa Sugbu.
Ang biktima gikan kini sa usa ka higala ug paingon na unta kini mopauli dihang paglabang niini wala niya mabantayi ang naghaguros nga sakyanan nga nakaingon sa pagkabangga kaniya.
Daling gidala ang biktima sa South General Hospital apan nakabsan na kini sa iyang ginhawa ug wala ni kini makaabot nga buhi.
Daling mitahan ang drayber nga si Nator Empenado ngadto sa kapulisan sa Minglanilla ug gipaabot nga pasakaan og kaso.