Atol sa pagsaulog sa tinuig nga pangilin ni Señor Santo Niño natingkagol sa prisohan ang usa ka babaye ug lalaki sa Sitio Iba, Barangay Basak, dakbayan sa Lapu-Lapu human sila masakmiti og shabu.
Ang mga polis miila sa mga suspetsado nga si Josephine Gilig alyas Pening, 38-anyos ug Dennis Coajao, 35, pulos lumolupyo sa maong dapit. Si PO3 Joseph Damasco nga nahinabi sa Banat News miingon nga ang grupo ni SPO2 Honorato Tano kinsa mipahigayon og buy bust operation maoy nakadakop sa duha sa miaging gabii.
Matud pa ni Damasco nga nasakmit gikan sa mga suspetsado ang walo ka pakete nga shabu ug mga kahimanan sa pagsuyop sa maong ginadiling drugas. Gi-andam na sa kapolisan sa dakbayan ang kasong kalapasan sa Akta Republika 9165 kon Comprehensive Drug Act of 2002 batok ni Gilig ug Coajao. (Romeo T. Limpangog)