Devotee city nakatabang
Mapasalamaton ang mga deboto nga mainiton ang pagtagad kanila sa kadagkuan sa Devotee City nga nahimutang diha sa Plaza Independencia sukad niadtong Biyernes ngadto sa mga tawo nga walay kapuy-an nga paryente diha sa dakbayan ug gusto nga mosaksi sa kapistahan ni Sr. Sto. Niño.
Adunay dili mominos 2,000 ka mga debotos ang mipuyo sa 75 container van nga kasagaran nagagikan sa habagatan bahin sa Sugbu nga kinahanglan magsukad sa dakbayan sa Carcar ngadto na sa lagyong dapit ug sa amihanang bahin usab nga magsukad gikan sa dakbayan sa Danao.
Adunay gipakatap nga mga tanod sa maong lugar, libre nga medical services, kuryente ug tubig ubos sa pag-alagad sa Cebu City Government nga gipangulohan ni Konsehal Edwin Jagmoc nga maoy tsirman sa
Gisuportahan usab kini sa nagkalainlaing kompaniya o organisasyon sa Sugbu sama sa Aboitiz, MCWD, Veco, Philippine Tourism Authority, PLDT, Julie’s Franchise Corporation, DyHP, ug Kopiko.
Sumala pa ni Bebe Rose Canete, taga Udlot, dakbayan sa Bogo nga nalipay siya bisan ginagmay ra ang halin sa pagpamaligya og kandila kay adunay kapuy-an ug kapasilungan ang iyang mga anak.
Matud ni Edna Jaca, OIC sa DMDP nga ika 13 na ka Sinulog sila miserbisyo sa maong buluhaton sukad pa sa pamunoan ni kanhi Konsehal Fe Mantua Ruiz nga maoy founder niini nga Tent City pa ang tawag niini
Gikatakda nga kutob na lang karong adlawa ang ilang pagpuyo sa maong lugar sa dili sa pa mag-alas 12 sa udto. (Julie Christy Barredo)
- Latest
- Trending
