Street vendors di-patuo

Nakapanglingolingo kagahapong adlawa si Association of Barangay Council (ABC) President Eugenio Faelnar gumikan sa kagahig ulo sa mga vendors nga nagpatunga na sa kadalanan sa ilang pagpaninda.

Kini maoy gipadayag ni Faelnar dihang gikahinabi sa Banat News subay usab sa fluvial procession ngadto na sa foot procession kagahapong adlawa diin nagmonitor siya sa kadalanan nga napuno sa basura ug mga vendors nga naa na sa tunga sa dalan maninda.

Si Faelnar   gisangonan ni Bise Mayor Mike Rama uban sa Squatters Prevention Encroachment and Elimination Division (SPEED) alang na sa paglimpiyo sa kadalanan batok sa mga vendors sa agianan sa procession ingon man sa Sinulog Grand Mardi Gras karong adlawa.

Ingon sa wala siya tagda sa iyang pagpanawag sa department of public service ug SPEED alang na unta sa paglimpiyo sa kadalanan diha sa may kilid sa  Basilica Minore del Sto. Niño atbang nga bahin sa Cebu City Hall.

Matud pa niini nga ni-surrender siya gumikan kay  nagdaghan ang mga basura sa iyang pag-aninaw sa mga dapit.

Hinuon kagabii nipahigayon siya og pakigpulong ni Vecente Mercado alang na sa ilang mga kausaban karong adlawa nga dili gyud tugtan ang mga vendors nga makababag sa agi-anan sa Sinulog Grand Mardi Gras.