Electric fan nakaingon sa sunog

Nagtinabangay ang mga lumolupyo sa sitio Pilit, barangay  Cabancalan, dakbayan sa Mandaue sa pagpawong sa kalayo  sa panimalay sa ilang silingan dihang kalit lang kining   nasunog sa  miaging gabii.

Si SFO1 Roy Garcia miingon nga ang panimalay ni Cesar Campo Jr. nga nahimutang sa maong dapit ang gisugdan na unta sa paglamoy sa kalayo alas 6:45 ang takna sa miaging gabii.

Gikan sa guba nga electric fan nga gitungtong sa lamesa ang kalit lang nga nagmugna og kalayo nga mikaon na og sugod sa plastic nga  lamesa nga gitongtungan niini.

Dali nga nakataho sa ilang buhatan ang mga silingan nga maoy nakaingon sa ilang paghidangat sa maong lugar.

Si SFO1 Roy Garcia miingon nga ilang naabtan ang mga silingan sa nasunog nga panimalay nga nagtinabangay og pawong sa kalayo .