Kap gikiha's ombuds

 Gipasakaan og kasong pagsulay og lugos ang bag-ong milingkod nga kapitan sa barangay Bato, lungsod sa Buenavista, Bohol ngadto sa Ombudsman-Visayas.

Ang mikiha batok ni Kapitan Candido Celocia alyas Andit mao ang 45-anyos nga biyuda nga residente usab sa maong barangay tungod sa reklamo nga niadtong Bag-ong Tuig sa alas 4:30 sa hapon gigakus siya ug gihikaphikap ang iyang pribadong parte sa lawas sa hubog nga kapitan.

Mikaratil og dagan si Celocia sa dihang gikasab-an sa anak sa biyuda ang kapitan.

Ang biyuda midangop sa Lupon Tagapamayapa sa Bato, apan si Celocia wala gyud motunga.

Niadtong Enero 16, pormal nga mireklamo ang biyuda ngadto sa Ombudsman Visayas.

Kasong attempted rape ug conduct unbecoming of a public official ang giatubang ni Celocia sa lamesa ni graft investigator Cynthia Maturan-Sibi.

Hatagan og higayon si Celocia nga makatubag sa mga reklamo.