Batang gibunalan misulay'g hikog
Usa ka 11-anyos nga batang babaye nga graduating sa elementarya misuway sa paghikog gumikan kay gikulata unya wala hatagi og pagkaon sa iyang inahan nga napildi sa sugal nga “tong-its” didto sa Sitio Malinao, Barangay Agus, dakbayan sa Lapulapu sa milabay’ng gabii.
Si Kapitan Joven Lauron sa Agus nga nahinabi sa Banat News miingon nga ang biktima nangayo og kuwarta sa iyang inahan mga alas
Ang inahan nasuko sa 11-anyos tungod sa iyang pagkapildi hinungdan nga iya kining gikulata ug gibunalbunalan. Ang inahan mibalik sa tong-itan aron mopadayon sa pagsugal.
Sa dihang mibalik ang inahan mga alas 6 sa gabii sa ilang panimalay, napalgan niya ang iyang anak nga nagbitay. Gigamit sa bata ang necktie sa iyang uniporme sa pag-eskuwela.
Gidali pagdala sa mga silingan ang bata ngadto sa Mactan Doctor’s hospital ug nasulod kini og ICU sa makadiyot. Hinuon, luwas na karon sa makuyaw nga kahimtang.
Si PO3 William Homoc sa Homicide Section mipadayag nga hangtod ning pagbalita wala pa makit-i ang mga ginikanan sa bata nga nailang si
Ang bata giatiman na lang karon sa iyang uyoan.
Ang maong kaso gitugyan na ngadto sa Women’s Desk sa Lapulapu Police Office alang sa paghimo og mga lakang batok sa magtiayon.
Matud pa ni Kapitan Lauron nga lakip usab sila nag-atang sa mga ginikanan sa bata apan wala gihapon kini miuli sa ilang panimalay tungod sa posibleng kahadlok nga patubagon sa salaod nga ilang nahimo ngadto sa kaugalingon nilang anak.
Sa pagsulat ning balita padayon pa ang Women’s Desk sa Lapulapu pagsusi sa posibleng kalapasan nga nahimo sa mga ginikanan sa bata nga miresulta sa pagsuway og hunos sa iyang kinabuhi.
- Latest
- Trending
