Norwegian gikawatan

Mokabat sa 1,100 dolyares o P50 mil   kapin ang nakuha sa mga kawatan sa giabangang balay   sa duha ka mga Norwegian national  didto sa Cordova Home Village lungsod sa Cordova sa milabay'ng adlaw.

Ang biktima mao sila si Inger Voringstad, 60 usa ka dalaga nga retirado pagka-nurse ug Kai Aage Sumdland, 60, ulitawo.

Base sa imbestigasyon ni SPO1 Luvero Agusto sa Cordova Police Station nasayran nga gikan sa tugpahan sa MCIA ang duha ka mga langyaw ug sa dihang mibalik kini sa ilang gipuy-an nahibulong kini nga nawagtang na ang ilang mga dalang salapi nga gisulod sa aparador sa  ilang gipuy-an.

Si Voringstad nawad-an og balor $900  diin sa iyang pagbiya gisulod kini sa iyang travelling bag, samtang si Sumdland nawad-an usab og balor $200 nga gibutang usab sa iyang travelling bag.

Gidudahan sa duha ka mga langyaw nga ang room boy sa maong village maoy responsable sa maong pagpangawat sanglit mao ra kini ang adunay kopya sa yawe niini sa maong lawak.

Ang duha ka langyaw miabot niadtong  Enero 10   ug nia sa Sugbu alang sa usa ka paglulinghayaw apan wala sila magdahom nga mao kini ang dangatan kanila dinha sa lungsod sa Cordova.