Mandaue CH vehicles para MCPO

Ang kagamhanan sa dakbayan sa Mandaue dili na mohinayon sa pagpalit og mga bag-ong sakyanan nga unang gitinguha ni Mayor Jonas Cortes sa miaging tuig.

Ang dili paghinayon og palit og mga bag-ong sakyanan sa Mandaue City Police Office (MCPO) ug kuhaon  gikan sa nagkadaiyang buhatan sa kagamhanan sa dakbayan ang  mga service vehicles ug itugyan sa kapolisan aron magamit  sa pagpatrolya.

Ang mayor miingon nga sa sunod semana ang upat ka Revo nga mga sakyanan ang itugyan ngadto sa kapolisan  apan usbon ang pintal ug tauran og siren ug blinkers.

Si Konsehal Emiliano Rosal, chairman sa committee on budget and appropriation sa konseho nga nahinabi sa Banat News miingon nga way gahin aron ipalit    og bag-ong sakyanan sa  giaprobahan nga  2008 annual budget.

Hinuon iyang gitataw nga ang mayor mahimo gihapon nga makapalit og bag-ong sakyanan  apan ipaagi sa financing o loan sa bangko.

Kahinumdoman nga sa Supplemental Budget Number 5  nalakip ang  pagpalit og sakyanan sa kapolisan apan wala mouyon ang konseho pinaagi sa paglaslas niini.