P4M ang danyos sa Climaco fire
Gibana-banang moabot sa P4 milyones ang danyos sa nahitabong sunog kagahapon sa kaadlawon diha sa dalan Climaco ning dakbayan sa Sugbu.
Ang alarma nadawat sa kabomberohan alas
Matod ni Codilla nga gipaubos sa general alarm ang nahisgutang sunog tungod usab sa nagsikit-sikit nga mga panimalay ug establisamento diha sa maong dapit.
Sa gihimong imbestigasyon ni SFO2 Felix Romero nasuta nga nagsugod ang sunog sa guest room sa AJP Unlimited fashion building diha sa ground floor.
Giingong dali nga nikuyanap ang kalayo ngadto sa kasikbit niining tulo ka building ug gani nakatabok pa sa laing building sa pikas tampi sa karsada.
Wala pa matino sa kabomberohan ang hinungdan sa nahisgutang sunog, apan gituuhan ni SFO2 Romero nga kini may kalabutan lang gihapon sa kuryente.
Kini subay usab sa gibutyag sa caretaker sa building nga si Susan Yspel nga siya dunay napanimahoan nga morag nasunog pipila ka minutos sa wala pa ang maong hitabo.
Wala hinooy gikatahong nakalas o naangol sa nahisgutang sunog, apan kini nakapalisang gyud sa ubay-ubay nga mga tinun-an nga nag-abang sa mga boarding houses duol sa nasunugan.
- Latest
- Trending
