Talisay Charter day karon

Dakbayan sa Talisay ang magsaulog karong adlawa sa ika-7th Charter Day niini.

Si Mayor Socrates Fernandez miluwat og memorandum niadtong petsa nuybe niining buwana kabahin sa maong kasaulogan kinsa ang tanang opisyal, department heads, mga kawani  ug job orders ang giawhag sa pagtambong sa mga kalihokan sa nahisgutang kasaulogan.

Karong alas 6:00 sa buntag adunay ipahigayong  Santos nga Misa diha sa city hall ug human sa misa isunod ang flag raising.

Si Gobernador Gwendolyn Garcia ang mohatag og mensahe, si Kongresista Eduardo Gullas ang mohatag sa inspirational message dayon isunod ang pagpanghatag og award ngadto sa pito ka mga Talisaynon kinsa naghatag og dungog sa dakbayan usa kanila si Department of Interior and Local Government Undersecretary Joselito Ruiz.

Ang tanang mga buhatan ang giawhag sa paghatag og offer sa misa ug ang mga kawani pasul-obon usab og Filipiniana o pormal nga attire.

Usa sa mga kalihokan sa maong kasaulogan mao ang pagpananom og “Magtalisay” usa ka punoan sa kahoy nga mamunga diin kuhaa ang ngalan sa siyudad nga “Talisay”.

Ang mga kawani kinahanglan nga mopanso sa bundy clock o sa Biometric machine alang sa ilang attendance.