Mga ilegal nga quarry misiaw
Misiaw ang problema sa illegal quarry operation ngadto sa unom ka mga lungsod dinhi sa probinsiya sa Sugbo nga gidudahang gipasagdan lang sa mga hingtungdang lokal nga opisyal.
Ang hepe sa Provincial Environment and Natural Resources Office (PENRO) Nercis Bispo mitumbok sa lungsod sa Tuburan nga maoy nakasinati og pagsi-aw sa mga illegal quarry operation nga natigayon niining nangaging mga buwan.
Samtang ang ubang mga lungsod nga nakasinati og susamang problema sa illegal quarry operation gilangkuban sa Sogod, Carmen, siyudad sa Naga,
Subay sa mga reklamo nga nadawat sa buhatan sa PENRO gidudahan niini nga walay pagpakabana ang mga mayor sa nahisgutang mga lungsod ug dakbayan pagsumpo sa maong problema.
Gumikan niini gipadayag ni Bispo nga mohimo og mas lapad ug sub-sub nga monitoring ang ilang buhatan sa tanang illegal quarry operation sa tibuok probinsiya ilabina gyud niining nahisgutang mga lungsod.
Gibaharan ni Bispo ang mga responsable sa maong illegal nga kalihokan nga ilahang tinud-on sa pagpasaka og kaso sa higayon nga makakuha sila og mga lig-ong ebidensiya nga magtumbok sa kalambigitan niini sa maong illegal nga kalihokan.
Nunot niini gi-awhag niya ang publiko pagtaho sa ilang buhatan kung duna pay ubang mga lungsod nga nakasinati og pagsiaw sa maong illegal quarry operation ug pagtumbok sa mga responsable niini aron duna silay basihanan sa pagpasaka og kaso.
- Latest
- Trending
