Mokabat sa 40 ka mga hepe sa tanod ug ilang mga assistant sa lungsod sa Compostela ang gipaubos sa live-in seminar sulod sa lima ka adlaw.
Ang maong seminar gisugdan sa milabay'ng adlaw ug gipasiugdahan kini ni Mayor Ritchie Wagas.
Tumong sa seminar mao ang pag-andam sa mga tanod sa ilang katungdanan diha sa tagsa-tagsa nila ka barangay.
Lakip niini mao ang pagbansay kabahin sa Basic Law Enforcement ug Martial Arts kinsa si Police Inspector Vicente Velasquez sa Compostela PNP ang magdumala niini.
Ang maong kalihokan gipahigayon sa Wagas Retreat House sa Barangay Cogon sa maong lungsod.