Rerouting sa mga PUJ gipahibalo

Mopatuman og rerouting ang Cebu City Traffic Group uban sa Cebu City Traffic Operations and Management  (Citom) sugod ugmang adlawa.

Kini tungod sa pagsira sa Osmeña boulevard (gikan sa D. Jakosalem ngadto sa dalan P. Burgos), D. Jakosalem ug P. Burgos Sts. (gikan sa Osmeña Boulevard  ngadto sa Magallanes street).

Ang road closure subay usab sa pagsugod na sa siyam ka adlaw nga novena nunot sa kapistahan ni Senior Santo Niño sa Sugbu karong Enero 20.

Ang mga PUJ nga dunay 21 ug 22B nga rota nga musubay sa Osmeña Boulevard mo-left turn sa D. Jakosalem, right turn sa Gomez St., ngadto na sa Urdaneta St., left turn sa Lapulapu St., right turn sa Jereza St., left turn sa M.J. Cuenco ngadto na sa ilang destinasyon.

Samtang ang mga jeep de pasaheroan nga gikan sa Banawa, Guadalupe ug Capitol nga moagi sa M.J. Cuenco mo-left turn sa Osmeña Blvd., right turn sa Lapulapu St., left turn sa Legaspi St., left turn sa Plaridel Extn., right turn sa Osmeña blvd., lahos na sa ilang naandan nga rota.

Ang mga PUJ nga gikan sa Pit-os/Talamban nga moagi sa M. C. Briones mo-left turn sa Lapulapu St., left turn sa Legaspi St., right turn sa D. Jakosalem St., balik sa ilang naandan nga rota.

Sa pikas bahin, ang 10D, 09H ug 12M nga rota nga musubay sa D. Jakosalem mo-right turn sa Legaspi St., left turn sa Plaridel Extn., ngadto sa Plaridel St., right turn sa Magallanes St., ngadto na sa ilang destinasyon.

Samtang ang mga jeep de pasaheroan nga gikan sa siyudad sa Mandaue nga muagi sa P. Burgos St., mo-left turn sa Urdaneta St., left turn sa Lapulapu St., right turn sa Jereza St., left turn sa M. J. Cuenco Ave., ngadto na sa ilang point of origin.

Ang mga PUJ nga dunay rota nga 08G, 09C, 10E, 12D, ug 11D nga mutadlas sa P. Burgos St., mo-right turn sa Legaspi St., left turn sa Plaridel Extn. ngadto na sa Plaridel St., right turn sa Magallanes St., ug balik sa ilang naandan nga rota.

Samtang ang mga jeep de pasaheroan nga dunay rota nga 11A, 10G, ug 10K nga muagi sa Magallanes St., mo-right turn sa D. Jakosalem St., left turn sa M. C. Briones St., left turn sa Lapulapu St., right turn sa D. Jakosalem St., left turn sa dalan Colon, ug balik sa ilang point of origin.

Ang implimintasyon sa rerouting plan magsugod sa alas 6:00 sa buntag ngadto na sa alas 8:00 sa gabii gikan sa Enero 10 hangtud sa Enero 20.

Susamang rerouting plan usab ang gamiton sa Traffic Group ug sa Citom atol unya sa Hubo karong Enero 25.

Subay niini ang tanang motorista gitambagan sa traffic group ug sa Citom nga musunod lang sa mga traffic sign nga ipakatap sa kadalanan.

Kini aron dili makahatag og kahasol sa ubang mga road user nga nagdali sa ilang biyahe paingon sa ilang tagsa-tagsa ka destinasyon.