Abella misibog isip VP, Jingjing wa nay kontra
Pormal nang misibog sa iyang kandidatura pagkabise-presidente sa ABC sa siyudad sa Sugbu si Labangon barangay captain Felix Abella.
Kini gipahibalo ni Abella atol sa caucus sa mga barangay kapitan sa dakbayan kagahapong adlawa sa Patio Isabel diha sa karaang Banilad road.
Matud ni Abella nga ang pagsibog sa iyang kandidatura gihimo alang sa kahiusahan sa ilang grupo ning panahon sa Pasko.
“For the sake of the unity of BOPK sa Christmas season, I am officially withdrawing my candidacy as vice president,” sumala sa kapitan.
Nasayran hinuon sa Banat News nga ang pag-atras ni Abella sa iyang kandidatura dunay nagpahipi nga kondisyon.
Kini human usab sa gihimong sabot-sabot nila ni Kapitan Sisinio Andales sa barangay Pahina Central nga mao unta ang iyang ikaatbang.
Uban nila ni Abella ug Andales sa sabot-sabot mao si Konsehal Gerardo Carillo nga una nang mipadayag og pagsuporta kang Abella.
Nagdumili hinuon pagbutyag si Abella kun unsa ang ilang nasabutan ni Andales subay sa pagsibog sa iyang kandidatura.
Apan midugang si Abella nga unya na sa sunod tuig niya ipahibalo ang ilang nasabutan ni Andales.
Sa iyang habig, gihangop ni Andales ang nakab-ot nga desisyon ni Abella alang usab sa kahiusahan sa ilang grupo.
Una nang gipadayag ni Andales nga ngil-ad paminawon ilabi na sa oposisyon kun sila magtigi ni Abella nga kauban ra sa grupo.
Nagdumili usab si Andales pagtug-an kung unsa ang ilang nasabutan ni kapitan Abella apan kini nidugang nga
Tungod sa maong kalambuan, hawan na ang kadaugan sa mga kandidato nga ubos sa liderato ni ABC president ug reelectionist Eugenio Faelnar.
Kini tungod kay walay nangahas ug miatbang nga grupo sa habig sa oposisyon alang sa mga posisyon sa ABC.
Ang eleksyon sa ABC sa dakbayan anha ipahigayon sa Patio Isabel diha sa old Banilad road karong alas 10 sa buntag.
- Latest
- Trending
