2 ka sakop sa SWAT napusilan
Duha ka mga polis nga sakop sa Special Weapons and Tactics sa Cebu City Police Office ug usa ka tanod nangalandig sa tambalanan human napusilan sa usa ka woodcraft worker sa Sitio Romblon, Barangay Inayawan, ning siyudad sa miaging gabii sa Pasko.
Si SPO2 Reynante Nioda nakaangkon og samad sa duha niya ka kamot, samtang si PO3 Reynaldo Callet napusilan sa tuong dughan. Ang tanod sa Inayawan nga si Wilfredo Ornopia naigo sa tuong tudlo, apan nakagawas dayon sa
Ang namusil sa mga sakop sa SWAT mao si Alejandro Bayarcal alyas Dodo, 33, lumad nga taga Malaiba, Canlaon City, Negros Occidental ug stay-in worker sa woodcraft nga gipanag-iya ni Wilfredo Villaplaza.
Si Bayarcal napatay hinuon human gipaulanan og mga bala sa mga sakop sa SWAT sa dihang misukol kini ug namusil ngadto sa mga mirespondeng polis.
Sa imbestigasyon ni SPO1 Jay Yballe sa Homicide Section, nagsugod ang kagubot sa dihang si Bayarcal miduol sa iyang kauban nga si Arnel Villarico, 22, nga nakig-estoryahay sa hinigugma niining si Aiza Allarce ug diha sa atubangan sa mag-uyab nangihi kini.
Nasumbagan ni Villarico si Bayarcal hangtod nga misangpot sa panaglalis. Milakaw si Bayarcal apan sa pagbalik nagdala na kini og kalibre .357 nga rebolber dayong pasingit ni Villarico.
Imbes gipakalma ni Villarico si Bayarcal, nasuko na hinuon kini hinungdan nga nahitabo ang nilayogay. Natumba si Villarico ug napusilan sa iyang dughan. Gidala kini sa
Midagan si Bayarcal paingon sa iyang agalon nga si Villaplaza ug didto mitago.
Ang balay ni Villaplaza gipalibotan sa mga sakop sa SWAT nga gipanguluhan ni Insp. Rex Campus ug SPO2 Nioda, uban ni Kapitan Rustom Ignacio ug mga tanod sa Inayawan.
Gikumbinser sa mga polis ug ni Ignacio si Bayarcal sa pagtahan sa kaugalingon, apan namusil na hinuon kini ngadto sa mga polis ug ang tanod nga si Ornopia ang naigo sa tudlo.
Human kini namusil, midagan kini paingon sa kasilyas sa mga Villaplaza ug namusil pag-usab hinungdan nga naigo silang SPO2 Nioda ug PO3 Callet, hinungdan nga mibalos ang mga polis sa pagpusil hinungdan nga naigo si Bayarcal sa nagkadaiyang parte sa kalawasan.
Nakuha sa Scene of the Crime Operatives sa lugar nahitaboan ang .357 nga gigamit ni Bayarcal, lima ka kabhang sulod sa tambor sa rebolber, pito ka kabhang sa M16 armalite, unom ka kabhang sa kalibre .45, tulo ka slug sa wala matinong kalibre sa armas, ug lima ka fragments.
Si Supt. Pablo Labra II, deputy director for operations sa CCPO, nagkanayon nga pasakaan nila og kasong obstruction of justice ang magtiayong Villaplaza tungod sa pagdumili nila pagpasulod sa kapolisan aron dakpon si Bayarcal.
Sumala pa ni Labra nga si Villaplaza nadakpan sa iyang grupo uban sa Traffic Management Group tungod sa kasong carnapping.
Irekomendar usab ni Labra nga ma-imbestigahan ang mga Villaplaza tungod kay nagpatrabaho kini og mga minor de edad ug nag-operate nga walay business permit.
- Latest
- Trending
