Talisay pamultahon og P50 mil
Dakbayan sa Talisay pabayron og P50 mil nga multa sa Department of Environment and Natural Resources (DENR) tungod pagkapakyas sa siyudad pagkumpleto sa rekisitos sa pagtukod sa landfill diha sa Barangay Tapul.
Ang siyudad dili na maka-avail o makapahimos sa reduction sa penalty.
Base sa resolusyon sa DENR nga gipagawas sa Environmental Management Board niadtong Disyembre 17, 2007, ang siyudad nakalapas sa Presidential Decree No. 1586 kon “Philippine Environmental Statement System Act” sa pagpatukod nila sa nahisgutang proyekto tungod kay wala kini Environmental Compliance Certificate (ECC).
Niadtong Mayo 3, 2007 ang siyudad miduso og application alang sa issuance sa ECC sa landfill.
Ang ECC application gi-assigned ngadto sa case engineer diin gi-review kini ug gi-evaluate diin adunay gigama nga
Nasuta sa DENR nga ang Talisay nakalapas sa section 11.1 sa PD 1586.
Human sa gipahigayong substantial review ug evaluation, girekomendar nga ang application sa merito sa issuance sa ECC subject sa pagbayad sa gikatakdang multa.
Ang DENR mipadala og Notice of Violation (NOV) ngadto sa siyudad niadtong Mayo 16, 2007 aron mopahibawo kabahin sa maong multa.
Gipahibawo usab sa DENR ang siyudad nga maaprobahan lang ang ECC kung ma-settle na ang penalty.
Niadtong Hunyo 12, 2007, ang siyudad mihangyo sa DENR og reconsideration tungod kay ang landfill nagpadayon pa ang pagtrabaho niini o usa kini ka ongoing project ug ang mga kuwang nga dokumento sama sa proof of ownership sa luna nga gitukoran niini ang isumiti unya kung mapalit na ang lote nga nahimutangan sa proyekto gikan sa tulo ka mga tag-iya.
Niadtong Nobiyembre 13, 2007, ang hepe sa Environmental Impact Assessment Division miduso sa memorandum nga gipetsahan og Nobiyembre 12, 2007 nga nagrekomendar sa maong multa diin ang multa nga bayaran nagbase sa perimeters sa capitalization percentage nga nakompleto sa construction sa proyekto.
Ang maong proyekto 80 porsyento na kining kompleto ug ang siyudad nakagasto na niini og P50 milyones.
- Latest
- Trending
