Namaligya og pabutogipangsikop

Tulo ka mga tawo ang nangadakpan sa hiniusang operasyon sa Firearms Explosives Security Agency Guards and Supervisory Section (FESAGSS) ug kapolisan sa dakbayan sa Toledo nga giingong namaligya og mga nagkalain-laing klase sa pabuto.

Gatosan ka mga nagkalain-laing matang sa pabuto ang mga nakumpiskar sa maong grupo apan wala pa matino sa kapolisan kung pila ang kinatibuk-ang kantidad sa mga pabuto.

Segun sa report nga gipadangat sa Cebu Provincial Police Office (CPPO) giila ang nangadakpan nga sila si Tony Datu Manong, Ronald Paro ug Teresita Causarin, ang tulo pulos residente sa Poblacion sa maong dakbayan.

Dugang taho sa kapolisan sa gihimong pakisusi sa mga namaligya og pabuto ang tulo ka dinakpan nasuta nga duna silay permiso gikan sa Bureau of Fire Protection, Clearance sa kagamhanan sa dakbayan sa Toledo pero walay permit gikan sa Fesagss hinungdan nga sila gipangdakop ug gitanggong sa Toledo Police Detention Cell.

Si SPO1 Bernabe Ulan-ulan mitug-an sa Banat News ang mga pabuto nga nasakmit mao ang hotdog, butterfly, shotgun, triangle ug uban pang nagkalain-laing klase sa mga pabuto.