Maayong serbisyo ang idalit sa SK

Pormal nang nilingkod sa konseho sa dakbayan sa Sugbu ang bag-ong napili nga SK Federation president sa siyudad nga si Rengelle Pelayo.

Ang representante sa kabatan-unan sa dakbayan sa City Council nipasalig pagpadayon sa mga programa nga gipatuman sa iyang gisundan nga leader.

Sa iyang privilege speech sa hawanan sa konseho, gipasalamatan ni Pelayo ang mga tawo nga naghatag kaniya og kahigayunan nga mabutang sa City Council.

Samtang gipadayag ni Pelayo nga siya nahagit sa tinguha sa ubang magbabalaud nga nagplano pagwagtang sa SK.

Gani gipasalig sa bag-ong SKF president ang paghatag og serbisyo ug pagtabang ilabi na sa mga kabatan-unan sa dakbayan nga nanginahanglan. Kini tungod kay alang kang Pelayo, ang kabatan-unan mao ang iyang agawon ug siya maoy suluguon apan iya hinuong giangkon nga siya nanginahanglan usab sa tabang niini.

“If we’re only given the total freedom to do thing on our own, to decide for ourselves and nobody controlling us, I foresee a brighter future bearing with hope,” dugang pasabot ni Pelayo.

Nagtoo ang SKF president sa dakbayan nga ang nasud nanginahanglan karon og matinud-anon ug dili hinakog nga pagserbisyo.