Mipadayag og kabalaka ang mga sakop sa Bayan Muna Central Visayas ning gitinguha sa gobiyerno bagbuhi og balik sa Anti-Subversion Law kini aron mapalig-on ang pagpakigbatok sa insurhensiya ilabi na sa mga rebelding komunista.
Ang secretary general sa Bayan Muna Central Visayas, Arman Perez nga nahinabi sa Banat News nagkanayon nga kini maoy pinakakuyaw karon nga lakang sa gobiyerno.
Para kaniya gitinguha kini sa gobiyerno nga buhion og balik ang gi-repeal nga balaod kanhi presidente Fidel Ramos,aron silang nasakop sa legal front ikunsiderar nga kabahin sa underground movement nga nakiggubat sa gobiyerno.
Nakuyawan sila gumikan kay gihatag naman unta kining katungod panahon ni Ramos ang pagpahigayon og lihok protesta sa kadalanan ingon man pagsalmot nila sa election.
Apan sa administrasyon ni Arroyo, sama lang nga gibalik ang bangis nga rehimen niadto sa dektador nga si kanhi Presidente Ferdinand Marcos nga daghang gilapas nga katungod sa katawhan.
Nasubo sila niini tungod kay ang mga legal front misubay sa polisiya sa democratic form of government sama sa mga leftist nga partido sa Australia ug ubang mga kumunistang partido sa Uropa nga gihatagn og kahigayonang makalingkod sa gobiyerno.
Dugang pa niini nga ang CPP-NDF dili parehas og tartar sa ilang grupo gumikan kay igo lang silang nipadayag sa mga kahiwian sa gobiyerno.
Matud pa niini nga angayang sulbaron una sa gobiyerno ang nagpadayong extra-judicial killings sa nasud kaysa mohimo’g laing lakang nga walay laing tuyo mao ang paggukod niadtong mosaway sa mga naghitak nga kurapsyon.