PUJ operators andam makig-areglo ni Tomas
Andam na makigsabot-sabot sa kagamhanan sa dakbayan sa Sugbu ang Alyansa sa Nagkahiusang Driver-Operator Alang sa Reporma (Andar).
Kini may kalabutan sa kaso nga ilang gipasaka batok sa siyudad pipila ka tuig na ang nakalabay human mapasar ang City Ordinance 1837.
Ang nahisgutang ordinansa nagdili sa mga jeep de pasaheroan nga magbiyahian gawas sa dakbayan pagsulod sa kinapusuran sa siyudad.
Nireklamo ang mga sakop sa Andar tungod kay sila maoy unang naapektohan dihang gipatuman ang nahisgutang ordinansa.
Kasagaran sa mga sakop sa Andar mao ang mga jeep de pasaheroan nga magbiyahian sa habagatang bahin sa dakbayan.
Partikular na niini ang
Apan sa dihang giimplimentar na ang ordinansa, ang mga jeep de pasaheroan nga magbiyahian sa habagatan anha na pasudlon sa One Citylink Terminal.
Giangkon sa mga sakop sa Andar nga naapektohan ang ilang kita sa pamasada dihang gipatuman na ang kontrobersiyal nga ordinansa.
Kini ang hinungdan nga sila napugos pagdangop sa korte ug gikuwestiyon ang legalidad sa City Ordinance 1837.
Apan sa niaging adlaw, ang mga sakop sa Andar niduaw sa
Apan sila gitambagan ni City Administrator Bimbo Fernandez nga ihan-ay una ang ilang tumong aron dunay basihan ang ilang pagpakighinabi sa mayor.
“Ganahan sila makigkita ni mayor, so akong gi-suggest nila nga iklaro una unsay inyong gusto, hinoon kanang ingon ana, wa may kumo ang pag-estorya aron makakita gyud ta og maayong solusyon nga magmalipayon ang tanan ba,” sumala ni Bimbo Fernandez.
Nagkanayon si Fernandez nga nisaad ang mga sakop sa Andar nga mobalik sa City Hall sa sunod semana alang na sa pagpakigkita kang Osmeña.
- Latest
- Trending
