Rape suspek naghikog sa karsel

Usa ka suspek sa pagpanglugos ang napalgang patay nga nagbitay diha sa iyang karsel sa bilanggoan sa dakbayan sa Carcar police station kagahapon sa buntag.

Ang namatay giilang si Jerry Lorge, 38, minyo ug residente sa sitio Dungoan, Perrelos sa nahisgutang barangay kinsa gikatakda untang pasakaan og kasong rape kagahapong adlawa.

Sa imbestigasyon sa Carcar police station usa ka kaubang priso ni Lorge nga si Daryl Tumulak nga padulong unta mangasilyas ang nakakita kang Lorge nga nagbitay na.

Migamit si Lorge og panyo isip pisi nga gilambod diha sa iyang liog  hinungdan nga dali niyang gitawag ang duha ka nag-duty nga mga polis nga sila si SPO3 Rafael Satera,Sr. ug PO3 Jorame Tanudtanud.

Daling gidala si Lorge ngadto sa Carcar District Hospital apan gideklarar kining dead on arrival sa mga mananambal.

Sumala pa sa kapolisan si Lorge nasulod sa maong prisuhan niadtong Disyembre 7 human kini pasanginling milugos sa iya rang pag-umangkon.