“Pusher” kuhaag armas

Nasakmitan  og armas nga kalibre .45 pistola ang  usa   ka tawo  lakip mga  bala ug mga kahimanan   sa paggamit og shabu  sa mga sakop sa Intelligence and Investigation Section ug Special Weapon and Tactic (SWAT) sa kapolisan sa dakbayan sa Lapulapu.

 Si SPO2 Joel Hernandez miila sa  dinakpan nga si Dean Tumulak Tampus, 44 nga nagpuyo sa maong dapit kinsa ilang gidakop pinaagi sa warrant of arrest nga giluwatan sa korte.

Matud pa ni Hernandez nga si Tampus nag-atubang og kasong kalapasan sa Section 5 sa Republic Act 9165 kon Comprehensive Dangerous Drug Act of 2002 nga ilang gipasaka sa korte niadtong Agosto niining tuiga.

Dugang pa niya nga dihang ilang gidakop ang suspetsado  ilang nadiskubrehan usab ang  armas, mga bala ug mga plastik nga gamiton sa pag-repack og shabu.

Si SPO2  Hernandez miingon nga lakip sa kaso nga ilang ipasaka kang Tampus mao ang   paghupot og armas ug mga bala.