Lapulapu andam mohatag allowance sa mga polis
Andam na ang kagamhanang lokal sa dakbayan sa Lapulapu sa paghatag og allowance sa mga bag-ong polis nga madestino sa dakbayan sa Lapulapu.
Kini ang giluwatang pamahayag ni Bise Mayor Mario Amores sa Lapulapu atol sa pakighinabi sa Banat News.
Matud pa ni Amores bisan pa nga nagsugod na sila og plastada sa ilang annual budget alang sa tuig 2008 apan ilang gilain ang gahin alang sa mga bag-ong polis nga madestino sa Lapulapu ilabi na ang mga bag-ong recruits.
Matud pa ni Amores nga dili na unya sila maglisod sa paghatag og allowance nga usa ka libo ka pesos matag usa ka polis matag bulan gumikan kay makuha kini sa bisan unsang orasa kun moabot na ang mga bag-ong pulis sa Lapulapu.
Matud pa usab ni Supt. Louie Oppus nga hangtod karon wala pa sila makadawat sa ilang bag-ong polis nga idugang sa ilang pwersa gikan sa rehiyonal nga buhatan sa PNP.
Sa pagkakaron adunay 133 ka mga polis nga anaa sa dakbayan sa Lapulapu diin gibahinbahin kini sa
Kun si Oppus ang pabut-on okey na kaniya ang ratio nga sa matag 500 ka residente adunay usa ka polis apan nasayod siya nga maglisod ang PNP niini hinungdan nga okey na kaniya nga sa matag usa ka libo ka residente sa Lapulapu adunay usa ka polis nga ratio.
Mapasalamaton usab si Oppus gumikan kay sa iyang pamunuan naobserbahan nga aduna nay partisipasyon ang komunidad sa dakbayan sa Lapulapu hinungdan nga daghang kaso sa ilegal nga drugas, sugal ug krimen nga ilang nasulbad gumikan sa pagtambayayong sa mga residente sa pagpahibalo ngadto sa kapolisan sa mga ilegal nga binuhatan sa ilang tagsatagsa ka mga dapit.
- Latest
- Trending
