Station 5 imbestigahon ni Calungsod
Gipaimbestigahan ni MCPO P/SSupt. Rodel Calungsod ang mga on-duty police sa station 5 nga dugay miresponde sa alarma gumikan sa rason nga walay kasakyan sa milabay'ng gabii sa barangay Opao dakbayan sa Mandaue.
Matod pa ni SrSupt. Calungsod nga ang Investigation and Detective Management Branch o IDMB sa MCPO ang moimbistigar sa maong panghitabo.
"Ang usa ka polis dili angayan nga mobalibad sa bisan unsang klaseng alarma ilabina kung kini naglambigit sa kinabuhi sa usa ka tawo nga nabiktima sa usa ka krimen ug dili usab angayang irason sa usa ka awtoridad ang kawad-on sa sakyanan hinungdan nga dili kini makaresponde," matud pa ni Calungsod.
Gumikan niini ipaimbestigar ni Calungsod ang duha ka mga duty desk officer sa station 5 nga si SPO1 Gilbert dela Cruz ug PO3 Manolito Labos ug lakip na ilang hepe nga si P/SInsp. Pat Padaon gumikan sa binuhatan sa iyang mga sakop.
Matud pa ni Calungsod kung kini mapamatud-an nga sad-an ang mga pulis sa station 5 sila posibleng masuspenso sulod sa
Kahinumdum an nga giakusahan ang kapolisan sa station 5 nga langay nga miresponde sa usa ka alarma sa pagpanunggab sa usa ka Enrique Torres, legal ang panuigon ug residente sa Opao nga duol ra sa station sa kapolisan diin maoy hinungdan sa kamatayon sa biktima.
Base sa alegasyon sa mga residente sa maong dapit human nga nadungaban si Torres dali silang mitawag sa station 5 apan gibalibaran kini nga paabuton lang kay wala pay sakyanan ug sa ikaduhang pagtawag sa mga residente gitubag kini nga ambulansiya ang ipakuha sa biktima.
Gumikan niini si Torres padayon nga nagbuy-od sa dapit diin mahitabo ang krimen ug sa dihang miabot ang mga pulis gidali kini og dala sa tambalanan apan gideklarar kini nga patay na sa mga mananambal.
Tungod niini gibasol sa mga residente ang kapolisan sa Station 5 gumikan kay pipila lamang ka metros ang nahitabuan sa ilang buhatan.
- Latest
- Trending
