Pinanser sa masiao gisikop sa CIDG-7
Nadakpan sa Criminal Investigation and Detection Group-7 ang gidudahang pinanser sa sugal nga masiao diha sa Pit-os barangay Talamban niadtong milabay’ng gabii ug nakuhaan og
Ang gidakop giilang si Delmo Alivio, residente sa nahisgutang dapit kinsa sumala pang Chief Insp. Fermin Armendares III kinsa maoy namuno sa CID-Team sa pagronda nga dugay na silang nakadawat og impormasyon kabahin sa operasyon niini sa masiao.
Apan ning pagsulod lang sa bulan sa Nobiyembre nila gihimoan og makuting surveillance ug dihang nakumpirmar ang impormasyon mipagawas si RTC Judge Fortunato de Gracia og search warrant tungod sa paglapas sa RA 9287 kon illegal gambling.
Nakuha sa kapolisan ang binandol nga tally sheets nga wala pa magamit ug ginamit nga may number combinations, kwartang gituuhang kinitaan sa maong sugal nga P4,790, mga calculators ug uban pa.
Atol sa pagronda nakuhaan usab kini og usa ka shotgun nga may napulo ka bala ug usa ka Beretta nine-millimeter pistol nga may duha ka magazines ug walo ka buhing bala.
Nasuta nga ang temporary license sa shotgun mi-expire na niadto pang tuig 2005 ug ang lisensya sa pistola ni-expire na usab niadto pang 2005 hinungdan nga kini gisakmit tungod sa paglapas sa RA8294 kon illegal possession of firearms.
Matud pang Armendares kun expired na ang lisensya
Samtang ang dinakpan midumili sa paghatag sa iyang pamahayag kabahin sa pasangil dihang gikuhaan og habig sa mga tigbalita.
- Latest
- Trending
