DA kuwang sa pundo

Gitumbok sa rehiyonal nga buhatan sa Department of Agriculture 7 ang kakuwang sa pundo isip babag sa ilang pagpalapad sa kampanya labot sa pagpatuman sa Animal Welfare Act.

Mokabat na sa napulo ka tuig ang pagpatuman sa balaod apan wala gyud kini masabti pag-ayo sa katawhan.

Matud pani DA7 Animal Welfare Coordinator Dr. Verna Agriam nga sukad gipatuman ang RA 8485 nga gitawag og Animal Welfare Act of 1998, singko porsyento pa lang sa populasyon sa rehiyon ang ilang napasabot sa maong balaud.

Gipasabot ni Agriam nga ang prayoridad sa ilang buhatan mao ang mga programa tumong sa paghaw-as sa katawhan gikan sa kakabus.

Ang Animal Welfare Act gituon sa paghatag og bili sa kinabuhi sa kahayupan ug pagtahod usab sa ilang katungod nga magpakabuhi sama sa tawo.

Kini naglangkub sa freedom from hunger and thirst, freedom from injury, freedom from diseases, freedom from harm and freedom to conform to essential behavioral pattern.

Sumala pa ni Agriam nga gumikan sa kakuwang sa pondo, 20 porsyento pa lang sa mga nanag-iya og manukan ug baboyan sa Sugbu ang ilang napasabot mahitungod sa balaud.

Gimando sa balaud nga ang mga umahan nga dunay kapin sa 20 ka hayop kinahanglan na nga iparehistro sa Bureau of Animal Industry (BAI) aron maoy motan-aw sa ilang operasyon.

Ang mga pet shops ug mga clinics kinahanglan usab nga marehistro sa BAI.