P135 mil nga pabuto nasakmit

Nasakmit sa Criminal Investigation and Detection Group (CIDG)-7 ang 36 ka karton sa nagkalainlaing klase sa pabuto ug duha ka sako sa pyrotechnic devices nga  mikantidad og P135, 780 diha sa pier I nga paingon na untang ikarga sa MV Filipinas Dapitan sa Cokaliong Shipping Lines sa miaging gabii.

Si Chester Cokaliong,  tag-iya sa maong  Shipping Lines maoy nanawag mismo sa CIDG-7 labot sa maong kargamento nga ikarga unta sa iyang pasaheroang barko.

Daling mitubag ang taga CIDG-7 pinangulohan ni SPO2 Delfin Bontuyan.

Ang maong kargamento gidiklarar lang nga household  items ug fiber tubes sa usa ka Reynan Tan nga taga Surigao City.

Nagkanayon si Cokaliong iyang gimanduan ang mga sakop nga dili ilahos og karga ang mga kinarton sa pabuto tungod kay naghatag og peligro sa mga pasahero sa maong barko.

Dugang pang Cokaliong bisan og makakuha og Special permit ang tag-iya sa maong kargamento sa Firearms Explosive and Security Agency Guards and Supervisory Section  dili gihapon niya ipakarga ang mga pabuto sulod sa karton.

Sa wala pa molarga ang MV Dapitan niadtong Miyerkules sa gabii ilang gitawagan ang tag-iya sa maong pabuto nga si Reynan Tan apan walay mitubag sa ilang information desk.

Ang mga nakompiskar nga mga pabuto anaa karon sa CIDG-7 samtang giandam na ang kaso sa kalapasan sa Akta Republika 7183 batok ni Tan. — Rey B. Pasaporte

Balik-basa sa miaging balita

Nangita ka og balita nga wala nimo nabasa niadtong miaging semana? Wala nimo nabasa si Ricky Lo? Ayaw'g salig sa higayon kay i-launch na 'sab ang Archives Section sa philstar.com.

Salamat sa bag-ong search engine sa philstar.com, mahimo na ka mo-access sa mga miagi'ng balita, kolum ug lifestyle ug mga istorya'ng showbiz gikan sa The Philippine Star, Ang Pilipino Star Ngayon, Banat, Freeman ug People Asia.

Ibutang ang petsa -- sinugdan ug kataposan sa imong gipangita -- ug lain pa'ng mga parameters nga mahimo'ng apilon, makakuha na ka og mga sinulat sugod 2000 hangtod karon.

Tanan nimo'ng gikinahanglan -- sa miagi na ug bisan karon -- na-a sa philstar.com!