Estudyante misukol sa tulisan napusilan nuon

Estudyante nga misukol sa tulisan napusilan didto sa  Tayud, lungsod sa Liloan sa milabay'ng gabii.

Ang biktima mao si Romel Pareha, 19,  ulitawo nga residente sa maong dapit ug usa ka tinun-an sa high school.

Base sa imbestigasyon sa kapolisan sa lungsod sa Liloan nasayran nga samtang naglakaw sa maong dapit si Pareha nga nagsige og text sa dalan tulo ka tawo nga luwan og traysikol kalit mihunong sa iyang tungod dayong tion sa kalibre 45 ug deklarar nga tulis.

Si Pareha nga nagdumili sa paghatag sa iyang cellphone ug misukol ngadto sa mga tulisan kalit kining gipusil sa usa ka tulisan hinungdan nga naigo kini sa iyang tuong paa.

Human sa maong insidente nakuha sa mga tulisan ang cell phone ni Pareha dayong pahilayo sa maong dapit luwan sa maong traysikol, samtang si Pareha gidala s

a Vicente Sotto Memorial Medical ug hinuon luwas na kini sa makuyaw nga kahimtang.

Ang kapolisan sa Liloan padayon pa ang pagsuta kun  kinsa ang mihimo sa maong pagpanulis ug pagpusil sa biktima.