Barangay officials nalambigit sa narcopolitics ilhon – Pe
Gibutyag ni Konsehal Augustus Pe Jr., ang tsirman sa Committee on Police and Drugs sa konseho sa dakbayan sa Sugbu nga ila nang gisugdan sa pag-evaluate ang mga barangay official nga nakadaog sa milabay’ng barangay election nga nalambigit sa “narcopolitics”.
Si Pe nga nahinabi sa
Si Pe mipasabot nga sa pagkakaron dili pa gyud siya makahatag og igong listahan sa maong mga barangay opisyal hangtod dili usab maka-kumpleto ang kapulisan sa pagkuhag dugang ebidensya gikan sa ilang mga intelligence sa kabarangayan.
Iyang giklaro nga hayan mosaka pa kining gidaghanon sa ilang gi-evaluate subay ning nagpadayon nilang monitoring, samtang ang ilang imbestigasyon mag-depende sa makit-ang ebidensiya.
Sumala pa niini nga kun adunay daghang mga ebidensya nga madawat sa iyang buhatan o kaha sa kapolisan mapadali usab ang pag-imbestigar sa mga nalambigit nga opisyal.
Apan iyang giklaro nga sa pagkakaron ila usab nga hatagan sa “benefit of the doubt” kadtong mga gidudahang opisyal nga nalambigit sa “narcopolitic” sa pagpakita sa ilang labok batok sa ginadiling drugas.
Matud pa niini nga ilang obserbahan ang maong mga opisyal kun may kalambigitan ba gyud sa ilegal nga kalihukan sa barangay.
Sumala pa niini nga sa maong paagi mapadali usab ang ilang evaluation kun may kamatuoran ba o dili ang mga pasangil nga kining mga opisyal sa barangay nalambigit sa narcopolitics.
- Latest
- Trending
