Mary Ann ngadtong Tomas: Ayaw’g apil sa ABC
Subling gihagit ni Kapitan Mary Ann delos Santos sa barangay Lahug si Mayor Tomas Osmeña nga dili kini mag-apil-apil sa isyu sa eleksiyon sa mga sakop sa Association of Barangay Council (ABC).
Si delos
Si delos Santos mihagit ni Osmeña nga kun mo-promise kini nga dili manghilabot sa pagpili og mga sakop sa ABC mopadayon siya sa pagpapili isip alternatibong kandidato nga mahatagan og “independence” ang ABC.
Gipasabot usab niini nga sa pagkakaron ila lang unang lingkuran ang maong isyu uban ang mga kapitan nga mi-endosar kaniya apil na sa mga kapitan nga sakop sa Bando Osmeña Pundok Kauswagan, ug kun iyang makitang aduna silay insaktong numero mohinayon siya sa pagpapili.
Sa nasayran nga si ABC president Eugenio “Jingjing” Faelnar mipadayag nga dili na magpapili sa ABC human sa migawas nga resulta sa eleksiyon sa barangay Guadalupe nga gamay ra kaayo ang margin sa iyang kadaugan sa milabay’ng barangay election.
Samtang subay niini sila si Kapitan Sesenio Andales sa barangay Pahina Central kinsa maoy incumbent vice president sa ABC naghinamhiman na usab sa pagpapili sa maong puwesto.
Apan karong bag-o si Mayor Osmeña mipadayag sa iyang tinguha nga si Talamban barangay Kapitan Alvin Arcilla maoy mohulip kang Faelnar gumikan sa iyang paglantaw nga haum kaayo sa maong posisyon.
Laing buot mopapili pagka-presidente sa ABC mao si Eliodoro “Yody” Sanchez sa barangay Busay.
Tumong ni Sanchez pagpapili sa ABC aron mahatagan og representasyon ang mga bukirang barangay sama sa Busay.
Sumala pa ni Sanchez nga aduna karoy napulo ka kapitan nga nagpaluyo sa iyang tinguhang mag-presidente sa ABC. – Uban sa report ni Darrel Carumba
- Latest
- Trending
