Bag-ong kap, “nagdali” og lingkod
Nagkaguliyang makadiyot kagahapon sa buntag ang katawhan sa barangay Bakhawan, lungsod sa Daanbantayan sa dihang buot na untang molingkod sa katungdanan ang bag-ong napili nga barangay kapitan.
Ang insidenti nitumaw pasado alas 8 sa buntag kagahapon sa dihang niabot sa barangay hall si Konsehal Bernardito Luche Jr., bag-ong napili nga barangay kapitan kauban sa iyang uyoan nga si Atty. Braulio Arriola Jr.
Ang outgoing nga barangay kapitan, Manuel Linabog, ug kasamtangang presidenti sa Liga ng mga Barangay sa lungsod sa Daanbantayan nibutyag nga nakalitan siya sa gihimo ni Luche ug Arriola.
Matud pa ni Linabog nga gipukaw siya sa ilang panimay ug gipahibawo nga anaa si Luche ug Arriola sa barangay hall kauban sa ilang mga tigpaluyo ug gusto na nga molingkod sa barangay hall.
Apan si Arriola nga nahinabi sa Bantay Radyo kagahapon nihimakak nga ilang gidala ang katawhan sa pag-adto sa barangay hall.
Gipasabot ni Arriola nga buot lang nilang iduso ang
Apan si Linabog maisugon nga nipasabot kang Arriola nga may kasabutan na silang daan sa mga kandidato sa wala pa ang eleksiyon nga bisan kinsa kanila ang modaug, mopahigayun siya og pormal nga turn-over sa mga butang sa barangay sa dili pang Nobiyembre 30.
Hinoon nangayo og pasaylo si Arriola sa publiko kun nasaypan ang ilang lihok nga pagdalidali nga makalingkod na sa katungdanan si Luche.
“I’m sorry if it creates negative perception, it is not our intention,” nagkanayun si Arriola.
Apan si Bise-Mayor Maria Luisa Loot human nasayud sa hitabo mibahad nga pasakaan gyud og kiha si Arriola.
Ang pamilya ni Loot kaatbang sa politika sa mga Arriola gumikan sa ilang pagpaluyo sa kandidatura ni Agusto Corro sa niaging eleksiyon sa Mayo 14 ning tuiga.
Gihulagway ni Loot nga gumikan sa mga buhat sa ilang kaatbang, dili na normal ang kalihukan sa politika sa lungsod sa Daanbantayan sa pagkakaron.
- Latest
- Trending
