Halloween props ra diay ug di bomba

Daling mitaho sa kapolisan sa dakbayan sa Talisay ang tagdumala sa Happy Mart diha sa Tabunok, dakbayan sa Talisay human adunay nakitang karton sa surveillance camera sa maong establisamento nga gituhoang dunay sulod nga bomba niadtong Miyerkules sa gabii.

Daling miresponde sa maong taho ang kapolisan sa siyudad pinangulohan ni  Insp. Leoncio Baligwat Jr.

Apan ang naabtan sa mga polis usa ka karton nga giporma og lungon ug gipintalan og itom nga dunay drawing nga kalabera sa gawas sa maong karton.

Si PO2 Leandro Azarcon sa pakighinabi sa Banat News kagahapon sa buntag nagkanayon nga posibleng ang maong karton gihimong props diin ang nagdala niini posibleng miapil og halloween party apan gibiyaan na lang ang maong props diha sa atubangan sa tindahan samtang sirado pa kini.—Brenda D. Batuto

Polis FTP naunay sa iyang armas

Ni Edwin Ian Melecio

Usa ka Field Training Program nga polis ang aksidenteng nakapusil sa iyang bitiis atol sa iyang duty diha sulod sa buhatan sa Criminal Investigation and Intelligence Branch kagahapon sa buntag.

Gidala sa tambalanan  sa Cebu City Medical Center si PO1 Nap Kelly Segara, 26, usa ka FTP nga nadestino sa maong buhatan human kini maigo diha sa tuong bitiis sa iyang kaugalingong kalibre 45 pistola.

Sa imbestigasyon nila ni SPO4 Alex Dacua sa Homicide Section ang maong polis sumala pa sa kauban niining si PO1 Julious Ceasart Siarez kasamtangan kining nag-text dihang kalit mibuto ang armas niini diha sa iyang outside holster.

Si Segara gikatahong bag-uhay lang mag-load sa iyang armas ug human sa pagbutang niini diha sa iyang holster ug nikuha sa iyang cellphone kalit lang mibuto ang armas, wala hinuoy laing naigo sa iyang mga kaubanan sanglit human matapsingi iyang bitiis milahos ang bala diha sa sawog.

Si Sr.Supt. Patrocinio Comendador, direktor sa Cebu City Police Office nagkanayon nga di na kinahanglang imbestigaron si Segara sanglit aksidente ang nahitabo ug walay laing naigo kundili siya ra.

Sumala pa niya kinahanglan lang nga bansayon si Segara sa gun safety ug gun proficiency training aron dili na masubli ang susamang insidente.

Samtang mopagawas og direktiba si Comendador nga magdili na sa tanang polis sa bisan asang buhatan sa CCPO nga mosulod nga dunay load nga bala ang ilang mga armas aron malikay sa aksidente.

Dili palang dugay, duha ka FTP gihapon nga polis diha nadestino sa barangay hall sa Barangay Luz ang naunay sa armas sa usa human gikatahong gihilabtan sa usa kanila ang armas diha sa lamesa ug kalit nga nibuto.

Kahinumduman nga niadtong milabay'ng tuig sa bulan sa Pebrero, usa ka policewoman diha sa Administration Section sa CCPO ang namatay human kini aksidenteng maigo sa armas sa iyang kaubang polis nga nag-unload og bala sa iyang kalibre 45 pistola diha sa pultahan.

Sukad niadto ang CCPO nagdili na sa mga polis nga mosulod sa Administration Section ug sa Operation Section nga loaded ang mga armas.

Daling mitaho sa kapolisan sa dakbayan sa Talisay ang tagdumala sa Happy Mart diha sa Tabunok, dakbayan sa Talisay human adunay nakitang karton sa surveillance camera sa maong establisamento nga gituhoang dunay sulod nga bomba niadtong Miyerkules sa gabii.

Daling miresponde sa maong taho ang kapolisan sa siyudad pinangulohan ni  Insp. Leoncio Baligwat Jr.

Apan ang naabtan sa mga polis usa ka karton nga giporma og lungon ug gipintalan og itom nga dunay drawing nga kalabera sa gawas sa maong karton.

Si PO2 Leandro Azarcon sa pakighinabi sa Banat News kagahapon sa buntag nagkanayon nga posibleng ang maong karton gihimong props diin ang nagdala niini posibleng miapil og halloween party apan gibiyaan na lang ang maong props diha sa atubangan sa tindahan samtang sirado pa kini.—Brenda D. Batuto

Polis FTP naunay sa iyang armas

Ni Edwin Ian Melecio

Usa ka Field Training Program nga polis ang aksidenteng nakapusil sa iyang bitiis atol sa iyang duty diha sulod sa buhatan sa Criminal Investigation and Intelligence Branch kagahapon sa buntag.

Gidala sa tambalanan  sa Cebu City Medical Center si PO1 Nap Kelly Segara, 26, usa ka FTP nga nadestino sa maong buhatan human kini maigo diha sa tuong bitiis sa iyang kaugalingong kalibre 45 pistola.

Sa imbestigasyon nila ni SPO4 Alex Dacua sa Homicide Section ang maong polis sumala pa sa kauban niining si PO1 Julious Ceasart Siarez kasamtangan kining nag-text dihang kalit mibuto ang armas niini diha sa iyang outside holster.

Si Segara gikatahong bag-uhay lang mag-load sa iyang armas ug human sa pagbutang niini diha sa iyang holster ug nikuha sa iyang cellphone kalit lang mibuto ang armas, wala hinuoy laing naigo sa iyang mga kaubanan sanglit human matapsingi iyang bitiis milahos ang bala diha sa sawog.

Si Sr.Supt. Patrocinio Comendador, direktor sa Cebu City Police Office nagkanayon nga di na kinahanglang imbestigaron si Segara sanglit aksidente ang nahitabo ug walay laing naigo kundili siya ra.

Sumala pa niya kinahanglan lang nga bansayon si Segara sa gun safety ug gun proficiency training aron dili na masubli ang susamang insidente.

Samtang mopagawas og direktiba si Comendador nga magdili na sa tanang polis sa bisan asang buhatan sa CCPO nga mosulod nga dunay load nga bala ang ilang mga armas aron malikay sa aksidente.

Dili palang dugay, duha ka FTP gihapon nga polis diha nadestino sa barangay hall sa Barangay Luz ang naunay sa armas sa usa human gikatahong gihilabtan sa usa kanila ang armas diha sa lamesa ug kalit nga nibuto.

Kahinumduman nga niadtong milabay'ng tuig sa bulan sa Pebrero, usa ka policewoman diha sa Administration Section sa CCPO ang namatay human kini aksidenteng maigo sa armas sa iyang kaubang polis nga nag-unload og bala sa iyang kalibre 45 pistola diha sa pultahan.

Sukad niadto ang CCPO nagdili na sa mga polis nga mosulod sa Administration Section ug sa Operation Section nga loaded ang mga armas.—Edwin Ian Melecio