Coastguard naghigpit na
Hugot ang pagpatuman sa “No ticket, No boarding” policy sa Phil. Coast Guard kon PSG ngadto sa tanang mga sakyanan sa dagat pangpasahero nga gisugdan kagahapon hangtud sa petsa 5 sa bulan sa Nobiyembre.
Kini ang pamahayag ni Coast Guard Senior Chief Robert Muela, ang deputy Chief sa Coast Guard station
Matud pa ni Muela sugod kagahapon ila nang gipalig-onan ang ilang seguridad sa mga pantalan ug mga gagmay’ng wharf dinhi sa Metro Cebu area nga ubos sa ilang hurisdiksiyon.
Lakip sa ilang implementasyon mao ang pagbutang og mga K9 dogs sa pier 1, 3 ug 4 alang sa mga bagahe sa mga pasahero ug ang pagpahigayon og 100% nga inspections sa mga hand carry bags.
Gikalipay usab sa PCG ang abag sa ubang mga law enforcement units sama sa CPA Police, Blue Guards ug PNP Maritime Group nga anaa usab mipartisipar sa pagmintinar sa kahapsay ug kalinaw sa pantalan.
Matud pa ni Muela, adunay mga public assistance center nga gimontar sa PCG alang sa dinaliang pagsulbad sa mga problema sa katawhan ilabi na kung adunay mga krimen nga mahitabo.
Ang mga ship owners usab gipahimangnuan ni Muela nga dili magsobra og issue og tickets aron dili mamahimong overcrowded ang barko alang sa kaluwasan sa mga pasahero ug ang makalapas niini aduna kiniy silot nga ipahamtang batok sa mga shipping companies.
Gumikan niini hugot nilang iimplementar ang “No ticket, No boarding” policy diin gisugdan kagabii hangtod na sa petsa 5 ning bulana.
- Latest
- Trending
