Seguridad sa pantalan gihugtan

Gipangandaman pag-ayo sa mga tinugyanan sa Cebu Ports Authority  (CPA) ang kasigurohan sa mga pantalan alang sa umaabot nga adlaw sa  minatay.

Gibutyag ni port security manager Oscar J. Lopez nga gikan sa mga  security equipments nga naglakip sa mga x-ray machine ug bomb detector ang mga K-9 dogs  gilakip usab nila sa pag-andam.

Usa sa hinungdan niini mao ang pagpahimulos unya sa mga terorista  sa kahigayonan diin magdasok ang tawo nga mosakay sa mga barko sa  kadagatan sa bispiras ug sa paglapas usab sa Nobiyembre 1 ug 2 matud pa  ni Lopez.

Ang adlaw sa minatay usa sa mga naandang relihiyosong kalihokan sa  kadaghanan aron mogamit sa mga pantalan alang sa mga biyahe nila nga molabanglabang sa  kadagatan.

Kini gumikan sa x-ray machine nga gitarok diha sa port terminal area  nga mosihag sa sulod sa mga kargamento kun wala bay mga butang nga  makadaot ang  sulod niini.

Kaabag sa CPA mao ang mga sakop sa Philippine National Police,  Maritime Police, Philippine Coast Guard, ug bisan na ang mga security  guard sa mga barko.