Traffic enforcer kulatado sa drayber

Nabun-og ang dagway ug baba sa usa ka traffic enforcer human kini kulataha sa usa ka drayber sa PUJ sa milabay'ng adlaw  didto sa eskina dela Cerna dalan Lopez Jaena,  Barangay Poblacion, dakbayan sa Lapu-Lapu.

Ang biktima mao si Mario Napuli, 33, minyo, residente sa Sitio Abuno Barangay Pajac sa maong dakbayan, usa ka sakop sa City Traffic Management System kon CTMS sa siyudad.

Base sa imbestigasyon ni PO2 Christian Torres, gidakop ni Napuli si Ristituto Barangan Quindala Jr., 49, minyo, nagpuyo sa Barangay Bankal, drayber sa usa ka PUJ Multicab gumikan kay namasahero kini sa dili niya linya.

Nasuko si Quindala gumikan kay miluwat og Temporary Operators Permit kon TOP si Napuli ngadto kaniya sa maong kalapasan nga misangpot sa maong insidente.