Polis nga hubog nagwarawara sa armas
Nadakpan ang
Sa dihang gipa-liqour test sa Cebu City Medical Center, nasota nga positibo sa ilimnong makahubog si PO1 Alexander Castro Lado Jr., 30, ulitawo, ug lumad nga taga Tanjay, Negros Oriental ug nadestino sa Negros Oriental Provincial Police Office (NORPPO).
Si Lado nadakpan ni PO1 Joseph Mumar Villamor, nadestino sa Police Security and Protection Office.
Nakuhang ebidensya sa posisyon ni PO1 Lado ang usa ka .45 nga pistola dunay serial number 01666, duha ka magazine nga dunay sulod 14 ka buhing bala.
Base sa report si PO1 Lado hubog ug nagwara-wara sa iyang armas sa publiko diha sa nahisgutang lugar apan nataymingan diha si PO1 Villamor ug gidakop ug gi-turn over sa Parian Police Station.
Si Lado kasamtangan gibalhog sa detention cell sa Parian ug gipasakaan na og kaso sa piskaliya sa kalapasan sa 8294 kun illegal possession of firearms ug Comelec gun ban.
Giingong mipirma og waiver of detention si Lado sulod sa napulo ka adlaw aron maka-avail og preliminary investigation sa dili pa pormal nga ikiha.
Gisuwayan og kuhag reaksyon sa Banat News kagahapon sa hapon nga nag-ubo sulod sa detention cell sa Parian Police Station kun nganong naabot siya sa maong lugar apan nagdumili kini paghatag og komentaryo.
- Latest
- Trending
