Mga nursing sa MCC padayon gihapon

Mga tinun-an sa Mandaue City College sa kurso nga nursing ang padayon pa gihapon sa ilang pagtungha sa Mandaue City College bisan sa gikataho nga pagtak-op sa maong kurso sa kagamhanan.

Si Dr. Paulos Cañete nga gikahinabi sa Banat News miingon nga ang mga tinun-an nga nagtungha sa maong kurso sa miaging unang semester  padayon gihapon sa ilang pagtungha sa maong kurso sa ikaduhang semester.

Giinsister ni Dr  Cañete nga adunay gihimong inspeksiyon sa maong tunghaan  ang Commission on Higher Education (CHED) 7 sa pagsuta  kun may laboratory sa college of nursing.

Si Majority Floor Leader Victor Biaño sa iyang pamahayag iyang gisuportahan ang mga tinun-an sa maong kurso alang sa pagpadayon sa ilang pagtungha.

Dugang pa niya nga taas pa ang panahon alang sa kagamhanan  pagtuman sa mga rekisito nga gikinahanglan nga laboratoryo alang sa maong mga tinun-an.

Gipasabot niya nga kun mohimo lamang og lakang ang kagamhanan sa dakbayan alang sa pagtuman sa maong rekisito ug dili kay ang pagpahunong sa maong kurso nga nasugdan sa pagtungha sa kabus nga mga tinun-an.

Ang pamahayag ni Biaño  gidasonan usab ni Konsehal Editha Cabahug kinsa miingon nga sila sa konseho andam kanunay sa pagsuporta alang sa kaayohan sa mga Mandauehanon.