Babaye mipilit sa ligid sa truck

Patay ang usa ka babaye nga nagmaneho sa motorsiklo human mibangga sa walang ligid sa truck nga iyang gikasugat sa miaging buntag diha sa Sitio Langtad, Mangga lungsod sa Tuburan Sugbu.

Si Magdaline Lauron hingkod ang panuigon, taga Angilan, lungsod sa Aloguinsan kinsa nagmaneho sa kolor itom nga Loncin nagtangag sa plaka GT-5212 ang daling gidala diha sa Balamban District Hospital apan gideklara kini sa doktor nga patay na nga naabot sa maong tambalanan.

Base sa imbestigasyon sa kapolisan nga usa ka 10-wheelers truck nga nagtangag sa plakang GAN-768 gipanag-iya sa AYL Trading kinsa gimaneho ni Nicodimus Roble 45, minyo residente sa Barangay Quisol, dakbayan sa Danao ang gikabangga ni Lauron.

 Gikataho nga si Roble nagkarga og 600 ka sakong semento gikan sa dakbayan sa Naga ug paingon sa Tuburan diin ang maong mga semento ihatod unta ngadto ni Raul Gerona apan paghiabot sa nahisgutang lugar nga nahitaboan sa may kurbadahon nga bahin kalit lang niguho si Lauron ug nibangga.

Gikataho nga niadtong higayona dangog kaayo ang karsada hinungdan nga nawad-an og kontrol si Lauron sa pagmaneho sa motorsiklo hinungdan nga milahos kini ug mipilit sa walang bahin sa ligid sa truck.

Gikataho nga nabunal usab si Lauron diha sa karsada hinungdan nga nakaangkon kini og grabeng kadaot sa iyang lawas.