Cellphone ug laptop idili na's mga selda

Gimando sa pangulo sa Cebu Provincial Police Office (CPPO) ngadto sa tanang hepe sa kalungsoran nga hugot nilang ipatuman ang pagban  sa paggamit sa mga mobile phones  sa mga piniriso sulod sa detention cell.

Kini human makadawat og report ang paggamit sa mga cellphones sa mga binilanggo sulod sa detention cell  klaro na kaayo.

Si CPPO Director Sr. Supt Carmelo Valmoria mipadangat sa maong kamanduan niadtong Oktubre 10 niining bulana.

Lakip sa maong kamanduan nga gi-ban   ni Valmoria ang mobile phones, two way  radios, laptop  computer ug uban pang devices nga gamiton sa mga piniriso sulod sa detention cell.

“As a matter of policy all types of articles not allowed to posses(ed)  under custodial rules shall be considered as contraband items and it will be confiscated,” matud pa sa unod sa maong kamanduan.

Apan giklaro ni Valmoria nga ang tag-iya sa usa ka butang anaa sa sulod sa bilanggoan mamahimong ihatag ngadto sa mga kabanay nga puweding kahatagan sa maong butang.