Prostitusyon sa dakbayan lisud sulbaron – VM Rama

Si Bise Mayor Mike Rama miangkon nga ang dakbayan sa Sugbu wa gyoy mahimo sa pagsulbad sa nagsakang problema sa prostitution dinhi sa dakbayan bisan pa sa ilang kampanya batok niini.

Si Rama mipasabot nga ang gihimo nalang karon sa dakbayan mao ang pagpahigayon og counter measures sa maong problema kini aron mapugngan ang bisan unsang matang sa sakit.

Matud pa ni Rama nga ang counter measures sa dakbayan mao ang pagmando sa Cebu City Health Department sa pagpahigayon og hygiene check  sa tanang mga  babayeng nalambigit sa prostitusyon aron mamonitor kung duna silay mga sakit.

Apan wala kini magpasabot nga ilang gi-promote ang prostitution kun dili  aron sila ma-protihian gikan sa mga  sakit.

Sa iyang bahin supak usab siya sa giduso ni  Rene Joseph Bullecer ang tsirman sa Cebu City Anti-Indecency Board nga sikupon ang  mga babaye kini tungod kay dili kini solusyon.

Matud pa niini nga daghang aspeto ang lantawon kun sila panakpon  ug usa niini kun andam ba ang gobiyerno sa paghatag og maayong programa pinaagi sa rehabilitation ug kapanginabuhian.

Sumala pa niini  walay mahatag ang dakbayan para niini ug nagkinahanglan kinig pagtinabangay sa tanang sektor gumikan kay ang maong mga babaye human sa rehabilitation kun walay hustong panginabuhian mobalik  sa naandang trabaho.