Simbahan sa Tabunok gilungkab sa mga bata
Gilungkab kagahapon sa kaadlawon sa wala mailhing mga tawo ang simbahan
Ang kapolisan sa dakbayan nakadawat og tawag sa altar boy sa simbahan kabahin sa maong insidente.
Ang grupo sa Theft and Robbery Section daling miresponde sa maong alarma.
Gikataho nga mga bata ang mga nanglungkab base sa mga nakitang marka sa tunob nga misulod sa buhatan sa simbahan.
Base sa imbestigasyon sa mga polis nga ang mga kawatan miguba sa birha ug sa lock sa pultahan hinungdan nga nakasulod kini.
Nadala sa mga kawatan ang duha ka power supply nga nagkantidad og P6,000, Nokia cellphone kantidad og P3 mil ug salapi nga P6,000.
Gikataho usab nga adunay mga grupo sa mga batan-on sa siyudad nga nalambigit sa pagpangawat diin usa kini sa nakahatag og problema sa kapolisan tungod kay dili man mapasakaan og kaso ang mga suspetsado tungod sa Juvenile law.
Ang kapolisan sa dakbayan miawhag sa publiko nga magbantay usab kini aron malikayan ang mahitabong mga krimen.
- Latest
- Trending
