Duha ka tawo ang gipusil, 1 helper sa BOC
Helper sa Bureau of Customs ug higala napusilan sa milabay’ng gabii diha sa dalan A.Lopez sa barangay Calamba ning dakbayan.
Ang napusilan giilang si Philip Ian Cacharo,22, helper sa BOC ug residente sa maong dapit ug iyang higalang si Ulysis Boltron, 21, taga sitio Almacin sa Calamba.
Samtang gitumbok nga mipusil kanila mao si Elizar Catarata, 20, ug
Ang duha ug lain pa nilang kaubang si Wilson Alatraca gikatahong padulong mopauli sa ila dihang gibabagan ni Catarata ug gisukmag ang ulo ni Boltron.
Sa dihang misuway og babag ang duha kalit lang mibunot og armas ang wala mailhing kauban ni Catarata ug gipusil ang duha hinungdan sa pagkaigo sa walang bahin sa lawas ni Cacharo.
Ang mga suspek daling miikyas sa dapit samtang gisubay pa ang hinungdan sa pagpamusil.
- Latest
- Trending
