Nakuryentihan patay
Duha ka menor de edad nga lalaki ang nakuryentihan-patay human nakaagi sa junction box sa poste nga puthaw diin gisanapan sa tubig baha samtang ang mga biktima gikan nitan-aw sa duwa sa basketball sa miaging gabii pasado alas 9 didto sa barangay Atop-atop lungsod sa Bantayan, Cebu.
Ang duha ka biktima giilang sila si John Mark Desabille, 17, ug Banjo Pahuriray, 15, ang duha pulos residente sa nahisgutang barangay.
Segun sa report nga nidangat sa provincial police sila si Desabille ug Pahuriray nagkuyog paingon na mamauli sa ilang pinuy-anan gikan nitan-aw og basketball sanglit ang maong barangay nipahigayon og liga tungod sa umaabot nga kapistahan.
Nasayran ang puthaw nga poste sa kuryente sa Bantayan Electric Cooperative (Banelco) nagbarog daplin sa dalan duol sa barangay hall ug sa basketbolan.
Apan igo lang sila nakalakaw pipila ka metros ang distansya sa basketbolan ilang naagian ang poste nga puthaw diin niadtong tungora gabaha-baha og gamay.
Si PO1 Bernie Batarilan sa Bantayan Police Station nga nahinabi sa
Apan nisuway unta sa pagluwas sa iyang kauban si Pahuriray pero naapil hinuon siya nga nakuryentihan.
Matud pang PO1 Batarilan nga walay takob ang junction box sa kuryente sanglit ang linya sa wire niini gipaagi sa ilawom sa yuta.
Sumala pa niya nga usa sa gibasol karun sa mga kabanay sa mga biktima ug sa mga residente mao ang barangay kapitan nga si Boy Quezon tungod kay wala kini hatagig igong pagtagad bisan paman nga gipahibaw na kini sa sitwasyon nga walay takob ang maong junction box.
Ang duha nakuryentihan tungod sa ground sa kuryenti human sa tubig baha nga nisanap sa junction box.
Ang mga tawo daling gipawong ang switch didto sa bodega kilid sa barangay hall aron matabang ang duha ka biktima ug daling gihatud sa bantayan district hospital apan gideklarar silang duha sa mga doktor nga dead on arrival.
- Latest
- Trending
