Gika’g disko gipusil

Nalandig sa tambalanan ang usa ka lalaki nga gipusil sa iyang kaatraso samtang gikan nitambong og disko diha sa Medellin, Cebu sa miaging kaadlawon sa sitio Sta Cruz, barangay Antipolo.

Samdan sa tiyan ang biktimang si Narciso Noynay, hingkod, ulitawo ug residente sa maong dapit samtang ang gitumbok nga nipusil sa biktima giila nga si Junrick Urbano hingkod, ulitawo ug residente sa barangay Mahawak sa sama nga lungsod.

Sa imbestigasyon ni SPO1 Manuel Tan sa Medellin Police nasayran nga ang biktima gikan pa sa diskohan apan samtang kini naglakaw paingon mopauli sa ilang pinuy-anan   kalit lang gipusil sa suspek ang biktima.