Dalan sa USC buksan sa trapiko
Si Arnel Tancinco ang executive director sa City Traffic Operation Management (CITOM) nagkanayon nga hayan ilang buksan ang dalan diha sulod sa San Carlos University sa Talamban Campus alang sa rerouting sa trapiko diha sa may
Sumala pa ni Tancinco nga nahan-ay na ang ilang panagsabot tali sa kadagkuan sa maong tunghaan alang niini ug ang ilang gipaabot nga mahuman usab nila ang mga personnel sa USC nga motapos sa pagbansay kabahin sa balaod sa trapiko isip kabahin sa ilang kasabutan.
Giklaro niini nga sila sa Citom adto lang sa gawas sa maong tunghaan nga magbantay sa trapiko gumikan kay iyaha na kini sa maong tunghaan ang jurisdiction sa sulod sa maong tunghaan.
Hinuon iyang giklaro nga ang pag-abli sa dalan sa sulod sa USC Campus sa Talamban dili sulbad sa kahuot sa trapiko kundili makapaluag ra diyutay sanglit kadto lang mga sakyanan nga moagi gikan sa Talamban hangtud na sa Foodland maoy makagamit niini.
Apan ang ubang dapit magpabilin kining adunay problema sa trapiko hinungdan nga padayon ang ilang pagpakigsabot sa ubang mga establisamento nga mosunod sa gihimo sa USC ug sa UC nga nibukas usab sa ilang mga lugar aron lang mamenusan ang problema.
- Latest
- Trending
