Mitahan kagahapon sa buntag kang Kapitan Bernabe Castro sa Panangban, Compostela ang usa ka tawo nga mipatay sa kapuyo sa igsuon niining babaye.
Ang mitahan mao si Henry Giango, 40 anyos, kinsa suspetsado nga maoy nakadunggab patay kang Richard Cabanog Jorolan, 30 anyos, nga kapuyo sa igsoon niining babaye sa sitio Landing, barangay Catarman.
Gitahan kini ni Kapitan Castro sa kapolisan sa Liloan ug gibalhog kini sulod sa bilanggoan.
Si SPO1 Carlos Flores nga gikahinabi sa Banat News miingon nga misibat ang suspetsado human sa pagdunggab patay sa biktima ug sa barangay Panangban kini magtago.
Dugang pa niya nga ang suspetsado ilang gipasakaan og kasong murder ngadto sa korte ug walay piyansa nga girekomendar ang korte alang sa temporaryong kagawasan.