May mga polis sa dakbayan sa Sugbu nga mitanyag og dagkong suweldo sa mga kapitan sa barangay nga mosugot nga pabalikon ang kalihokan sa video karera (VK) sa ilang lugar.
Si Kapitan Roger Ruizo sa barangay San Roque, Cebu City mibutyag nga makadaghan na siya tanyagi og P500 nga suweldo matag adlaw sa pipila ka polis, basta di lang niya hilabtan ang padaganong VK diha sa San Roque.
Ang pagtanyag sa maong kantidad gihimo sa maong mga polis human ipaguba ni Ruizo ang 16 ka mga VK nga gimuntar sa mga operator niini diha sa San Roque.
Apan matud pa ni Ruizo nga una mawagtang sa hingpit ang maong mga ilegal nga sugalan, gipangulitawhan niya pag-ayo ang mga operator niini ug gipasabot bahin sa kadautan sa maong patigayon.
Gumikan sa kalig-on sa iyang baroganan batok sa VK ug uban pang matang sa ilegal nga sugal naglisod ang mga polis pagkombinser kaniya, matud pa ni Ruizo.
Wala hinoon ibutyag sa kapitan ang ngalan sa maong mga polis apan iya kining gipasabot nga wala na niya kinahanglana ang dugang kuwarta.
Matud pa ni Ruizo nga wala na siyay laing gibuhi gawas sa iyang asawa nga nagtrabaho sa City Hall.
May anak siyang usa ka buok apan tua usab magtrabaho sa gawas busa dili kaayo siya piit sa panginahanglan, ug gumikan kay nakasabot ang mga polis nga di gyud nila malingla si Ruizo, miundang kini sa pagkombinser sa kapitan.
Giangkon ni Ruizo nga notado kaayo sa kadaghang adis-adis, illegal drug pusher, ug snatcher sa iyang barangay apan nag-anam na kinig kahilis.
May mga polis sa dakbayan sa Sugbu nga mitanyag og dagkong suweldo sa mga kapitan sa barangay nga mosugot nga pabalikon ang kalihokan sa video karera (VK) sa ilang lugar.
Si Kapitan Roger Ruizo sa barangay San Roque, Cebu City mibutyag nga makadaghan na siya tanyagi og P500 nga suweldo matag adlaw sa pipila ka polis, basta di lang niya hilabtan ang padaganong VK diha sa San Roque.
Ang pagtanyag sa maong kantidad gihimo sa maong mga polis human ipaguba ni Ruizo ang 16 ka mga VK nga gimuntar sa mga operator niini diha sa San Roque.
Apan matud pa ni Ruizo nga una mawagtang sa hingpit ang maong mga ilegal nga sugalan, gipangulitawhan niya pag-ayo ang mga operator niini ug gipasabot bahin sa kadautan sa maong patigayon.
Gumikan sa kalig-on sa iyang baroganan batok sa VK ug uban pang matang sa ilegal nga sugal naglisod ang mga polis pagkombinser kaniya, matud pa ni Ruizo.
Wala hinoon ibutyag sa kapitan ang ngalan sa maong mga polis apan iya kining gipasabot nga wala na niya kinahanglana ang dugang kuwarta.
Matud pa ni Ruizo nga wala na siyay laing gibuhi gawas sa iyang asawa nga nagtrabaho sa City Hall.
May anak siyang usa ka buok apan tua usab magtrabaho sa gawas busa dili kaayo siya piit sa panginahanglan, ug gumikan kay nakasabot ang mga polis nga di gyud nila malingla si Ruizo, miundang kini sa pagkombinser sa kapitan.
Giangkon ni Ruizo nga notado kaayo sa kadaghang adis-adis, illegal drug pusher, ug snatcher sa iyang barangay apan nag-anam na kinig kahilis.