Gidunggab sa bayaw nga ’hilaw namatay

Gidunggab patay sa usa ka lalaki ang live-in partner sa iyang manghod nga babae human kini miapil sa panaglalis diha sa sitio Landing, Catarman lungsod sa Liloan sa milabay’ng gabii.

Ang biktima mao si Richard Cabañog Jorulan, 30, nagpuyo sa maong dapit samtang dali usab nga miikyas ang suspek nga si Henry Giango human sa pagpanunggab.

Base sa imbestigasyon ni SPO1 Dennis Malinao sa Liloan police station nasayran nga nagkalalis si Jorulan ug ang iyang live-in nga si Joy samtang nagpamati lamang ang suspek sa gawas.

Sa maong mainiton nga panag-away sa duha wala makaantos si Henry ug miapil kini sa panaglalis hangtod nga si Henry na usab ang giatubang ni Jurolan.

Dihang nagkainitay na ang duha wala makabantay si Jorulan nga adunay gidalang kutsilyo si Henry diin maoy gigamit sa pagdunggab ni Jurolan.

Si Jurolan nga samaran sa iyang tiyan dali nga gidala sa VSMMC apan gideklarar kini nga dead on arrival sa mga doktor, samtang si Giango dali nakapahilayo sa maong dapit.