Pautang nga P50 mil ok

Si Cebu City Vice Mayor Michael Rama mihangop sa P50 milyones nga ipautang sa mga negosyante diha sa Banilad-Talamban ning dakbayan alang sa pagpalapad sa kadalanan diha sa may Mahiga Bridge ngadto na sa may Foodland Talamban. 

Kini maoy gipadayag ni Rama human usa ka Bunny Pais, usa sa mga negosyante sa maong lugar nihaylo niining maong kantidad nga walay interest nga bayranan ang dakbayan basta lang dili magtukod og flyover nga gisupak sa mga homeowners association sa maong lugar.

 Ang Bise Mayor mipadayag nga mahimo kaayo ang maong lakang pinaagi sa paghiusa sa proyekto pinaagi sa joint ventures hinungdan nga tun-an kini nilang mga opisyal sa dakbayan kun dawaton ang maong pagpautang sa mga negosyante.